Polokalame a le Pacific Assistance Media

O le afioga I le minisita o le soifua maloloina le tofa Faimalotoa Kika Stowers Ah Kau o le a ia tatalaina se faatasiga faaleaoaoga o le a faasoa ao nisi o tusitala sinia, o le au faasalalau ma faauluuluga o le ofisa tu I totonu o galuega I taimi o faalavelave faafuasei matautia lea o loo feagai ma galuega o le puipuia o le atunuu ma I faamai e pipisi matautia e pei o le misela faapea le Koviti 19. O le aoaoga lenei o loo tapena ma faatipe e le vaega fesoasoani a le malo a Ausetalia mo le faaleleia ma le siitia o tautua I tomai faasalalau ma galuega faatusitala e taua o le Pacific Assistance Media Scheme o le sailia o ni auala e galulue faatasi ai le au faaslalau I tusitala ma auaunaga a le malo o feagi ma polokalame o le puipuiga o le fanau koviti 19 e talitonu lea polokalame fesoasoani a Ausetalia o le a mafai ona galulue faatasi ai itu e lua mo le tuuina atu o faamatalaga sili ona taua aua le silafia ai e le atunuu. O le matagaluega o fesootaiga ma faamatalaga tekonolosi o le malo o loo iai le pulega o le leitio a le 2AP sa talolosagaina le malo a Ausetalia mo se fesoasoani e faia ai se aoaoga e saili ai auala e galulue faatasi ai auaunaga a le malo o faia polokalamae o puipuiga o faamai ua galulue I televise, leitio ma nusipepa faapea ai se fesootaiga tele vavave faaono po nei pei o le social media. O le ofisa sili o le pulega a le matagaluega a le palemia ma le kapeneta, o le tatai fono a le ofisa tu totonu o polokalame o le iai o Samoa I faalavelave faafuasei matuia, o le faatonusili aoao o le soifua maloloina, o le ofisa sili o le matagaluega o fesootaiga ma faamatalaga tekonolosi aemaise minisita o lea matagaluega o lea faia ni latou folasaga I le aoaoga lenei e 3 aso, o le sini o le a auai o ia faauluuluga ma taitai o le malo ia mafai ona latou faasoa atu auala o loo lima taituina ai o latou tautua ma saili ai se auala sili ona vave ma faigofie e maua ai faamatalaga faatatau ia latou galuega puipuia o Samoa ma le faamai. O le tamaitai ofisa sili o le fale televise o le Samoa Broadcasting Ltd poo le TV1, le afioga ia Galumalemana Faiesea Lee Sam Matafeo o le a faatautaia aoaoga, lagoloago iai le ofisa sinia le vaega o faamatalaga ma maketi a le pulega a tagata tafafao, le susuga ia Suá Chesed Ieremia.

Leave a Comment

Your email address will not be published. Required fields are marked *