Vavatau Taufao - Radio Samoa

Totogiina o lafoga a faifeau tausi nuu I Samoa

O loo mausali pea le faaiuga a le malo, lea ua maea pasia I le palemene ua avanoa ai ona totogi lafoga a faifeau tausi nuu. Ua manino lea tulaga I se finagalo a le failautusi aoao o le Ekalesia, le susuga I le faifeau Vavatau Taufao, ua tali ai I le nusipepa o le Sunday Samoan o loo fetusi mai le taitai fono a le fono a Ekalesia soofatasi, le afioga I le tiakono Kasiano Leaupepe o loo ave ai se tuualalo I taitai o le Ekalesia EFKS ina ia latou talia le latou tulafono a le malo I le totogi o lafoga a faafeagaiga tausi nuu. O loo faalialia e le failautusi aoao a le Ekalesia EFKS o le iuga fono tele I Malua I le tausaga 2017 na teena ai le tulafono o le malo e tumau lava ma o seisi faaiuga e nao le fonotele n ate faia. O le tausaga nei ua le taunuu le fono masani a le tausaga ona o puipuiga o le faamai ma loo talosia ae faataunuu lenei fono I le tausaga fou 2021. O le tusi o le taitai fono a le fono ekalesia soofatasi o loo valuvalusia ai le finagalo o le au toeaina o le EFKS I le talia o le finagalo o le malo ona o le vaai alofa ma le manumanu I le faataasina o faafeagaiga o le EFKS I faamasinoga e pei ona iai I mataupu ua e maea ona suesueina ae ua soloia ma faaleaogaina moliaga o nisi o faafeagaiga o le ekalesia. O ni masina e lei mamao tele atu na faailoa ai e le afioga ile palemia I se faatalanoaga masani I luga o auala o faasalalauga a le malo e faauau oea ona faatino ala o le tulafono e tusa ai o lenei mataupu.

Leave a Comment

Your email address will not be published. Required fields are marked *